【翔揸劉灘】彭浩翔鄒凱光劉翁開騷 最想證明：靚仔係唔識講笑
彭浩翔、鄒凱光、劉翁三位首次不是為電影聚埋，而是為開棟篤笑《翔揸劉灘之潮潮的吹》。
三個人，平時走埋一齊吹水多，吹得過癮就想搞埋棟篤笑，不過吹還吹，幾位都有自知之名，怕獨力吹欠叫座，於是三人走埋一齊，一起潮潮的吹。男人走埋一齊，離不開會講女人，內容又少不免鹹鹹趣趣，就算今次訪問，講咩話題都好，最後都會係回歸鹹點，即使唔係次次都鹹得有道理。
開Show都係藉口
3位聚首，就是無厘正經，答的每個答案，信3成是極限，其餘7成未必是假，只是誇，很有屋邨樓下街坊街理，認屎認屁那種誇。不過3位有樣好，誇得來好笑，聽完笑完就好了，別太上心。「我們沒有特定的場合聚會，亦很少約出來吃飯，多是按完摩等入房前，所以大家都是借今次工作約出來吹水，出到來反而只談工作以外的事。」
劉翁直言次次話度橋，首4小時都不是度橋，然後認真度兩小時後，便夠鐘食飯走人。「最大問題是，得你一個講冇人接便相安無事，但他們會接，一個講完又到另一個接，這就沒完沒了，才出現今日的局面。」
三位之中，只有鄒凱光有棟篤笑經驗，但當中又以劉翁最想一嘗舞台講笑話的感覺。「其實我想做棟篤笑好耐，但兩小時真的做不到，即使我說只做半小時，門票都一定賣不去，於是我看中兩位應該有點號召力。」彭浩翔︰「一個正常男人半小時是極限啦！」
有樣嘢一直都好硬
棟篤笑，就是一個人站在台上，一支咪講，一班人笑，但近年香港的棟篤笑都興加入唱歌跳舞，對新手來說是起緩衝作用，但幾位在這方面一直好硬，企到好硬。鄒凱光︰「香港做棟篤笑好似做show一樣，即使唱歌跳舞不是棟篤笑表演，但觀眾都要求要有，最好你拿條Ｘ出來揈，我不喜歡看，但你不揈就不似做Show。」
這方面，彭浩翔十分堅持，等這麼多年才等到今時今日，有得上台講棟篤笑，無論如何都要做回最正統模式，站上台一支咪便講。有這份堅持，因為一個理由︰「我不想做完場棟篤笑之後，人家說好睇是因為我唱歌好聽，跳舞好睇，我不想觀眾這樣講我。」鄒凱光︰「同一道理，我都不會拿條X出來揈，免得被人話你個show好睇，因為條X大必然揈得好睇，但你講笑話不好笑！」彭浩翔︰「我更想證明一件事，大家經常誤解了，靚仔便不懂講笑話，其實我想推翻這個結論，就是唔靚仔都一樣不懂講笑……」
彭浩翔拍灘叔劉翁10月開棟篤笑 「我哋唔會溝通，抄我橋點算？」
過程總會不爽，但好想快啲有第二次
作為過來的鄒凱光，好希望今次的經驗，令他們上癮，愛上棟篤笑這演出，然後有第二、第三次。「我做棟篤笑的經驗是痛苦的，臨出場前一刻都覺得好痛苦，會不停反問自己為甚麼要做？為甚麼要做？但當你行上台聽到第一下掌聲、第一下叫聲、第一下笑聲，個人真的會硬，整個人都會興奮，然後做完之後好想快點再做。」彭浩翔︰「很多人的成長經歷都是這樣，做完第一次覺得一般，但又好想再做第二次。」未必幾位的第二次，又要等到幾時？
棟篤笑於明天起10月25同26號，假灣仔演藝學院（APA）舉行！