【TVB台慶50周年】華姐冠軍余思霆中百萬巨獎：可以喪買波鞋

唔知大家睇完TVB 50周年台慶有咩感想呢？不論膠又好、悶又好，今次最開心肯肯定是應屆中華小姐冠軍余思霆，因為她抽中了台慶終極大獎，有一百萬獎金獎品之外，還有三十萬免還款信用卡，碌乜都得。初到TVB報到嘅佢，絕對係行好運。

問到余思霆，佢覺得自己好好彩：「真係冇諗過呀！因為諗住玩下，之後就中獎，真係好lucky，希望我可以lucky多50年。」好似有顆熱熾的心再留喺TVB 50年，好似汪阿姐咁喎！咁多獎金獎品又諗住點用？余思霆就話：「一時之間未諗到呀！可能分啲畀屋企人。」熱愛Air Jordan波鞋嘅佢，會否藉30萬免還款信用額喪買？余思霆都靈機一觸話：「都好喎！（而家有幾多對？）都有40幾對喇，塞滿個櫃都唔掂。」希望她有信心衝破100對。

余思霆今次打算長遠在香港發展，未來佢會拍新劇《好日子》：「同邊個拍、有咩對手未講得住，但自己都有唔少戲。不過自己喺香港之後，每半年都會返new york探屋企人。（咁男朋友呢？多嘢做會唔會少咗見？）OK喇，而家都冇咩問題。」