網上流傳一條車cam片段，顯示在黃大仙中心北館停車場外，一輛客貨車疑在雙白線及黃格子違規調頭，其間疑天雨路滑跣胎，加上路人步出過馬路，司機匆忙煞車以致「甩尾」，險撞落該名拖着垃圾桶過馬路的清潔女工，幸總算及時停下未釀意外，有驚無險。

客貨車突如其來「搖頭擺尾」，女清潔工顯得相當淡定。片段引起網民熱議，有人讚司機駕車技術了得：「飄移得好靚喎」、「其實幾有型」、「唔講仲以為拍戲」；亦有網民笑言：「呀姐飲茶可以講一個禮拜」、「靚女上車！」；另有網民認為司機危險駕駛，「擺明係雙白線掉頭」、「揸車揸到跳舞咁！有冇1823？」