尖沙咀燒烤│露天BBQ放題$238起任飲任食3小時！睇日落夜景兼唱K

【尖沙咀燒烤】尖沙咀樓上燒烤酒吧推出任食燒烤，每位$238起就可以任飲任食3小時，包括多款肉類、丸類及蔬菜！店內露台更可以看到日落和夜景，還有獨立包廂唱K，最適合一大班人聚會！

尖沙咀燒烤│露天BBQ放題$238起任飲任食3小時！睇日落夜景兼唱K

位於尖沙咀的酒吧BBQ提供任食BBQ套餐，只需$238起就可以任食任燒3小時，以及任飲無酒精飲品！食物包括燒烤必食的黑椒牛扒、秘制雞扒、雞翼、蜜汁豬扒及泰式豬頸肉，還有魚蛋、墨丸、牛丸、芝士腸、燒賣等人氣小吃。蔬菜類則有茄子、翠肉瓜及金菇等。另外可以加購海鮮拼盤，包括生蠔、青口、大蝦、秋刀魚及扇貝。預約時更可以選擇自己燒或每位加$30由專人代燒，坐定定等食都無問題！

如果略嫌只是BBQ太單調，這間尖沙咀燒烤店內還有多款主食和佐酒小吃，有黑松露菠菜忌廉雞肉闊條麵、白酒汁蜆肉意粉、酥炸原隻豬手、炸魚薯條等，更有提供特色cocktail、house wine及啤酒！每位加多$100就可以任飲酒類飲品3小時，加$200全晚任飲！

除了抵食燒烤套餐，這間尖沙咀燒烤另一賣點就是有能夠觀賞日落和夜景的露天座位，可以一邊燒肉喝酒，一邊chill住睇靚景！亦有4間VIP房，適合一大班朋友聚會或包場，又有得玩飛鏢、Beer Pong同唱K！而且酒吧位處尖沙咀港鐵站旁，交通方便，隨時隨地都可以約埋一班朋友開party！

Sonder
地址：尖沙咀加拿分道25-31號國際商業信貸銀行大廈14樓
電話：68080050
價錢：星期日至四 每位$238、星期五六 每位$288（另收加一）