【渣馬備戰101．飲食篇】酒精利尿易抽筋　訓練前咪飲

《渣馬備戰101》飲食篇，由註冊營養師Harry提供營養小貼士，做好早期飲食準備。
常說「飲酒傷身」，但辛勞工作後，或知己聚首，總會有興致「飲返杯」。
飲酒與長跑有何關係？備戰期間，要滴酒不沾？

問：每星期總會飲一、兩杯酒。要為跑步而停止飲酒，甚至戒酒嗎？

答：酒精熱量高，計啱數至好，訓練前一晚可免則免。

年尾年頭假期多，興之所至飲酒作樂，難免覺得翌晨起來喉乾，起因是酒精有利尿作用，令人脫水「變乾」。如果賽前已經定好訓練計劃，課前一晚更不宜飲酒，免得訓練時脫水，容易出現抽筋，甚至中暑。

酒精對運動人士另一影響，是卡路里含量高，1克酒精含7千卡（kcal）。飲酒愈多，身體吸收的卡路里愈多，自然易肥難瘦。不同酒類，酒精濃度有高低。一罐330毫升，酒精濃度5% 啤酒，計算熱量的公式如下：

飲品量（330ml）x酒精度（5%）x攝氏20度時每毫升酒精重量（0.789g）x每克酒精含卡路里（7kcal/千卡）＝91千卡

一罐啤酒所含卡路里，與一條腸仔（95千卡）差不多。

而同一份量的酒，酒精度愈高，熱量愈高。但距離賽前尚有兩個月，切記飲食只須有節制，毋須更改。飲酒宜限制次數，一星期1-2次，每次飲1-2杯，並且選擇非混合酒。雞尾酒等混合糖漿或果酒調製，含有果糖，更易致肥。