聲夢傳奇｜鍾柔美短訊慰問姚焯菲 盼決賽發揮正常：乜都差少少

無綫（TVB）歌唱比賽《聲夢傳奇》在明晚（19/7）進行決賽，鍾柔美（Yumi）今日現身電視城參與綵排。談起賽前大熱姚焯菲（Chantel）因病缺席綵排，Yumi指將透過短信慰問好友：「其實我都係啱啱先知Chantel唔舒服，一陣間得閒啲就會搵下佢，問佢發生咗咩事，會叫佢早啲休息，快啲好返。」

回顧上輪與另一位好友文凱婷（Aeren）對決，Yumi稱當刻只想以合唱表演形式處理，又對Aeren要帶傷上陣感心痛：「冇人諗過會有呢件事發生，但係意外就係意外，咩都要面對。我都替佢好心痛，佢排舞嗰陣要單眼跳，因為我當咗今次係我哋兩個一齊嘅表演，我想兩個人一齊做好呢件事。」

談到明日舉行的決賽，Yumi希望能將過往不足全部修正：「一直以嚟都做足準備，但係嚟到決賽，我就要做好佢。因為前幾次嘅比賽，我好似乜都差少少咁，今次要做足所有嘢，做好呢個表演畀大家。」