土瓜灣真愛現場！暖友用平底鑊替女友擋雨　網民：少啲臂力都唔掂

「幾多對，持續愛到幾多歲」，真愛無懼風風雨雨，有網民（4日）於清明時節雨紛紛當日上載1張平凡而浪漫的照片，只見土瓜灣街頭正值細雨，1名暖男雖然手中無傘，但就有1個平底鑊，不怕自己濕身，就地取材「補鑊」為同行女伴擋雨，引來上載者激讚是真愛。其他網民笑言「試過早幾日見到有女仔攞住個男仔盒高達擋雨啦」、「衫可以濕，頭唔可以濕，果然真愛呀」、「點解唔買遮？」、「冇啲臂力都唔掂，扑落去」。

樓主在facebook群組「香港突發事故報料區及討論區」上載該張圖片，可見現場是土瓜灣馬坑涌道近馬頭圍道，不少人正在撐傘，但雨勢並非太大，相中男子手持1個看似新買的粉紅色平底鑊，不理會自己都在淋雨，「奮不顧身」一邊行走，一邊舉起左手用平底鑊為同行女伴擋雨，網民都相信對方正是其女友，相片盡顯溫馨。

上載者大讚「真愛」，其他網民紛紛笑言「呢啲係愛」、「想打佢個頭好耐，機會嚟」、「物盡其用」、「淨喺遮個頭有咩用？」。

（facebook群組「香港突發事故報料區及討論區」）