林雪挑戰打擂台 真性情受網友力棒
撰文：洪曉璇
出版：更新：
以前做藝人必須要有公司支持力捧，才有曝光機會；現在講求得網民得天下，素人活出自己風格，一樣有數以十萬Followers，只要夠真，只要有網友支持，甘草演員亦可以變男神女神﹗雪雪BB就是個好例子，不是孫慧雪而是林雪。
80年代林雪由武師朋友介紹做電影場務，開始對演戲產生興趣，擔任跑龍套，亦曾學過做導演和剪輯工作。後來經導演杜琪峯的提拔，在《暗花》和《非常突然》中演出，近年成為港產電影鐵腳之一，黑社會、攪笑、苦情等任何戲路都能勝任，而網民最buy其真性情，要爆粗時絕不留口，被封為網絡男神。
林雪早前在主持的音樂節目《林說金曲》中，展示林氏爆笑系列，例如扮張家輝打拳、跳肚腩舞等都震撼網絡，打拳一集的總hit rate更加超過150萬點擊，勁到冇朋友。最近又再獻新猷，新片中林雪於家中無意發現拳套，想起當年自己係幾咁fit，個身係而家開邊、得一半咁瘦，於是一心打拳練大隻，結果在擂台上打出一片天，由一拳打暈80磅嘅瘦仔，到打贏全身爆肌嘅大隻佬，拎埋金腰帶，打世界賽打到上A1頭條，被傳媒形容為「宇宙最強男人矢吹雪」、「21世紀最重磅頭條、林雪百人斬」，就連出街都俾一大班女fans狂圍，爭住餵食蕉，享盡食廢人餐之福，巴閉到無與倫比。
可惜花無百日紅，林雪終於遇上宿敵，林雪一拳打落書櫃....喺呢個時候，夢醒時份已到 ─ 林雪成個拳頭傷晒，紮住紗布慘變豬手。原來所有威水事都係夢一場，藉此帶出人會再有追夢機會，為舊物展開第二人生。
咪以為林雪打拳只係劇情需要，現實佢都幾鍾意運動，儘管每次都係得個「講」字同「買」字：「每當我自己覺得好似好肥，就會買對啞鈴返去練吓，次次買咗都未拆開，跟住就唔記得咗，放咗喺度，所以依家屋企有好多體育用品都係生晒銹。」