陳豪爆大仔「孤寒」二仔理財有一手：每一個仙都計算住
撰文：吳子生
出版：更新：
陳豪今日（18/7）現身機場出席理財產品活動，他接受《香港01》訪問時表示：「自己喺投資方面比較保守，而太太就比較進取啲，變咗我哋互補不足。雖然咖啡店我已經開到第6間，但喺今時今日嘅經濟狀況下，我哋都係步步為營。（點樣教育小朋友理財？）其實上年帶佢哋去歐洲旅行，已經畀咗啲零用錢佢哋買嘢。佢哋3個嘅性格，喺消費嘅模式直接反應出嚟。」
陳豪續說：「好似大仔咁，佢就比較『孤寒』，係慳儉嘅人嚟。試過喺葡萄牙佢好鍾意食沙甸魚，面前有三種唔同價錢嘅沙甸魚，佢會諗好耐，最終佢係會揀中間價嘅沙甸魚。二仔佢就每一個仙都會計算住，去到一蚊店，佢會計到盡。我同佢講你買完都會當垃圾掉，佢就話最緊要平。相反細女為咗要食，佢就唔會計價錢。」