胡定欣半年冇劇拍　轉戰內地吸金：始終市道都唔係好

胡定欣今日（13日）出席《剪裁魔法師》拜神，她在接受《香港01》訪問時表示：「今次喺呢個節目擔任主持人身份，對上一次同袁偉豪合作已經係《城寨英雄》，今次再合作返竟然係做主持。」她笑言與對方合作與別不同的地方是角色交流跟節目主持身份交替。

半年冇劇拍轉戰內地吸金

被問到最近會否有新劇拍攝，她坦言：「暫時應該未，試吓做呢個主持。對上拍嘅作品《巾幗梟雄之懸崖》，就喺上年年底拍嘅，大概半年冇拍劇。」講到過去這半年的工作，她說：「現在多機會去到內地一啲唔同嘅品牌出席佢哋嘅活動，我昨日去咗東莞出活動。」她續指以前是比較少機會去內地工作，並表示：「大概係比較去內地廣東省嘅地方。」至於被問到收入是否銳減，她坦言：「始終市道都唔係好，反而覺得個量多咗呢啲類型，我覺得係市場嘅運作有啲唔同。」