AK江𤒹生首個個唱先操體能以應付舞蹈 透露想全露上台：畀晒你睇

MIRROR成員江𤒹生（AK）今日（10日）宣有將於7月29日舉行《ANSON KONG “THE GAME OF LIFE” IN MY SIGHT SOLO CONCERT 2024》，在記者會中並揭曉演唱會主題海報，色彩鮮艷的顏色及多個造型讓人耳目一新，他還帶着愛犬「猜柴」拍攝海報。

AK接受訪問時表示演唱會將近開始有點緊張：「忽然間有自己嘅第一個solo concert，然之後啱啱先完成咗MIRROR嘅團體show之後，緊接自己第一個solo show，既驚且喜。」他就到今年頭半年都不斷有MIRROR的演唱會，可以為他作好準備。

AK早前指自己對唱歌沒有信心，現在他已經回復信心，但仍然沒有十足把握：「依家驚個感覺少咗好多，當然都未話係好十足話唱得好好。」他覺得自己現在已經比以前成熟，而且看開了很多，所以希望今次可以讓粉絲看到他的改變。

至於演唱會上唱歌跳舞的比例，他表示今次會是前所未有的多跳舞：「一啲我鍾意嘅舞種，以前細個有接觸過嘅舞種，好耐冇跳過啦，我都會重新pick up番。」而他一班從前一起學舞的兄弟今次亦會在舞蹈員名單上，更會額外找其他的舞蹈員一起表演，AK更透露會表演一些比較少人跳的舞種，希望帶給人新鮮感。

AK被問到體力上有否需要加操時，他則回應：「要啊！都開始訓練緊自己嘅體能，因為依家pick up番細個學過嘅舞種，其實係好晒力㗎！咁我嗰一part都同步練緊體能。」他透露自己的體態比《繩角》時差了很多，所以需要勤加操練。他更擔心自己的體能未必可以應付整個演唱會，所以首要的還是從體能方面著手。

AK透露於演唱會開之前會多準備兩首的solo歌曲：「一隻快，一隻慢！包羅萬有，慢歌係一個幾深情嘅故事。」他說慢歌更將會由自己親自作曲，快歌亦會參與創作，但自己參與的應該是慢歌比較多。

演唱會嘉賓方面，AK只透露找了兩個人以上做嘉賓：「希望可以同我一啲好朋友或者係我一直都好欣賞嘅前輩，去分享我第一次演唱會嘅舞台。」他更表示想帶同愛犬「猜柴」上台：「我驚佢係個台上面去廁所，我驚我會成為第一個喺演唱會執屎嘅人。」

AK被問到今次演唱會的服裝會否若隱若現時，他精精的表示有機會全露：「咁要睇我個body操成點啦，如果body操得好嘅話就唔若隱若現啦！畀晒你睇！」更說想把大表哥個「巨胸」key在自己身上，他說到自己跟大表哥的胸差了足足十吋。

至於加場方面，他自己說能夠開演唱會已經很感恩：「希望嗰晚盡力做好自己個表演，留個美好回憶畀大家。」