九龍城寨之圍城｜林峯食到噴叉燒飯 古天樂堅持演落去仲加對白
撰文：許育民
出版：更新：
香港動作電影《九龍城寨之圍城》由鄭保瑞執導，古天樂、洪金寶、任賢齊、林峯、劉俊謙、胡子彤、張文傑及伍允龍主演，郭富城友情客串，上映後旋即成為熱門話題，昨日（7日）本地票房更速破2500萬，大受觀眾歡迎！電影中由古天樂飾演的男主角龍捲風，角色形象霸氣十足、同時相當親民，其中一幕更見林峯日日無啖好食，就請佢食城寨最出名的叉燒飯。
林峯入到城寨，一直都冇食過城中名物「叉燒飯」。（影片截圖）
古天樂便請佢食一碗，仲安排埋住宿。（影片截圖）
林峯猛咁食，食到好急。（影片截圖）
劇情講到古天樂飾演的龍捲風，容許林峯飾演的陳洛軍在城寨工作，但見他每日為慳錢只食乾酥餅充飢，於是叫他到自己開設的餐廳，請他食城寨馳名嘅叉燒飯。由於一直冇食過一餐好，林峯在這一幕要食得狼吞虎嚥，結果真係食得太急濁親，搞到噴飯！
結果食到噴飯！（影片截圖）
古生見導演冇喊cut便演落去。（影片截圖）
仲加入拎走飯粒的舉動。（影片截圖）
見到這情況理應喊cut拍過，但導演繼續Roll機，於是古天樂就依然以龍捲風的角色講埋句對白︰「慢慢食啦，又冇人同你搶。」然後仲即興向信一（劉俊謙 飾）加句對白︰「喂，順手整杯茶畀佢飲啦！」鏡頭拍緊，霉時間邊度搵杯茶出嚟，但劉俊謙都更住頭皮應好先，直至導演喊cut全場才鬆口氣，場面相當有趣。
古生突然加句對白︰「順手整杯茶畀佢飲啦！」（影片截圖）
劉俊謙一下子都唔知邊度拎杯茶出嚟。（影片截圖）