無綫（TVB）昨日（10/5）在將軍澳電視廣播城舉行《香港小姐競選2021》全球招募記者會，除了高層曾志偉、樂易玲和何麗全到場，還有馮盈盈、劉佩玥、陳曉華，以及1998年港姐冠軍向海嵐、2001年港姐冠軍楊思琦和2003年港姐冠軍曹敏莉等歷屆港姐出席。不過，上述港姐都不及一位「稀客」矚目，她便是1983年度的友誼小姐鍾子綸！
點選下圖逐一欣賞港姐靚相：
與楊雪儀、張曼玉和李月芙同屆的鍾子綸是今屆港姐的項目統籌顧問，而她回歸TVB之前，曾經在懲教處工作超過34年，2014年更獲得「懲教事務榮譽獎章CSMSM」。離職前是懲教事務高階監督的鍾子綸，曾經是芝麻灣懲教所、羅湖懲教所的「一姐」，她之前接受訪問時便指自己做勻香港所有女子監獄，而它們的共通點便是一樣好擠迫。
新一屆的《香港小姐競選》開始進行招募，無綫（TVB）總經理曾志偉今日（13日）出席完記者會，在接受傳媒訪問時表示今年考慮「搞搞新意思」，打算由主持到評判都是「全女班」：「PROUD TO BE A WOMEN嘛，作為一個女性為驕傲嘅話呢，會唔會全女性包括主持啊、評審啊都係呢，我哋就係度考慮中嘅，呢個係我哋其中一個選擇嚟。」
曾志偉說到過去51屆的香港小姐誕生了不少人材：「香港小姐選舉的確出咗唔少人材同埋好多代表性嘅港姐出嚟，你嚟到選香港小姐最重要一樣嘢就係你覺得作為一個女性係有驕傲㗎嘛，咁選港姐係一個榮譽嚟㗎嘛，所以就不如攞呢樣嘢做埋我哋個主題啦。」他被問到今年港姐會否出外景拍攝時，他則說：「繼幾年疫情之後已開返關啦嘛，咁不如就出去啦，咁既然諗到出去啦，不如去遠啲啦，所以我哋已經聯絡咗歐洲啊、中東啊佢哋地方。我哋就想分組去一啲唔同嘅地方去體驗當地女性唔同嘅生活啦，同埋女性嘅文化啦，咁佢哋又代表香港，順便宣傳吓我哋香港啦！」
至於今日的記者會則找來全男班來吸引女生來參加，他們在台上表演後，連曾志偉都表示沒想到會這樣吸睛：「因為我都冇諗過行出嚟會咁靚仔，其實我哋每一年第一次招募嘅都係歷屆嘅冠軍啦，話畀大家聽，呢班就係港姐冠軍啦。跟住我哋就話仲有幾次招待會，不如試下全男班啦，咁唔淨止呢班係全男班，更加有啲係同港姐有關，已經將港姐迎娶返屋企。」一班男士除了與香港小姐息息相關外，他更指這班男士中亦有人是「香港先生」出身，曾志偉更預告：「咁即係作一個預告，可能我哋今年都會舉辦香港先生，因為我哋都停咗幾年冇搞！」
