【選戰邊緣人】平權之路 水滴石穿 何秀蘭:有經驗跟建制派格劍

撰文:魯嘉裕
出版:更新:

距離立法會選舉不足一星期,各區候選人正盡最後努力拉票,其中港島區六席選情由其激烈,「吸票王」王維基足以左右大局、新民黨葉劉淑儀爭連任、公民黨陳淑莊再戰立會、民主黨民建聯兩黨捧新人接棒、還有由功能界別變直選的工聯會郭偉強⋯⋯根據近月港大民研滾動民調數據,以上六位候選人的支持度暫時佔據六席。然而於港島區有豐富經驗的工黨何秀蘭,民調支持度以4%徘徊邊緣。對於隨時面臨第二次落馬,何秀蘭稱「我又唔係未輸過!」她相信,不論有沒有議席,如果係有心去為香港做事,「幾時都搵到平台」。但她認為,若自己能留在議會,可發揮作用仍大,「正正因為今屆多新人,所以需要有議會經驗既人去講番啲歷史出黎,先可以同班建制派格劍」。

被問到今屆選舉面對眾多強敵,何秀蘭表示「我又唔係未輸過!」。(魯嘉裕攝)
我又唔係未輸過!
何秀蘭

自嘲工黨是個「悶政黨」

關注小眾議題多年,何秀蘭稱工黨是個「悶政黨」,「有時候選舉望返轉頭,都會諗點解我哋好似得呢啲嘢講?但都希望大家認同我哋,係有實績交到出嚟」。何秀蘭今屆以「水滴石穿」作競選主題,正如她的抗爭道路並不易走,「雖然有人話泛民30年做唔到嘢,好似同運(同志運動),如果個個收割,無人一早做落去,點會有今日咁好?」。自稱像「耕田打底」做好基礎,何秀蘭指希望透過議會向公眾解釋議題,「希望市民會同意,有我哋去做好基礎,有人再去拍檯鬧官員,大家先會認同」。

雖然有人話泛民30年做唔到嘢,好似同運(同志運動),如果個個收割,無人一早做落去,點會有今日咁好?
何秀蘭

落選時曾推動民間公投

被問到今屆選舉面對眾多強敵,何秀蘭表示「我又唔係未輸過!」的確,過去多屆立法會選舉,何秀蘭試過落敗、也試過在邊緣浮游,在2004年立法會選舉,港島區選民為保當時排在名單第二位的民主黨李柱銘連任,而令何秀蘭戲劇性落選。曾經失去議席,於04至08年的真空期,何秀蘭擔任香港人權監察主席,又參與西九文化區監察;並與鍾庭耀等人創辦「全民投票實踐計劃」,推動全民公投運動,「07年(行政長官選舉)時,我哋做咗26個票站,訓練咗六百幾個義工,教識佢哋公投係咩一回事」。何秀蘭說那時即使離開了議會,但做過這些工作也令自己感到高興,亦明白「不論有無議席,如果係有心去為香港做事,幾時都搵到平台」。

不論有無議席,如果係有心去為香港做事,幾時都搵到平台
何秀蘭
何秀蘭談同志平權抗爭之路,就如其競選主題「水滴石穿」般寸進。(魯嘉裕攝)

由被恥笑至大眾認同 同志平權之路寸進

談何秀蘭於立會多年政績,為人熟識是她致力關注同志平權、兒童特殊學習需要等較小眾的議題,何秀蘭指這或與她的性格有關,「小眾嘢大部分人都唔做,但啲議題確實擺咗喺度,有嘢無人做,咁我會執嚟做」。尤其同志平權議題,她說是在2000年立會選舉前,因緣巧合下接觸,「有個同志組織做咗個聯署畀候選人簽,我以前讀佛教學校,講眾生平權,一聽到平等嘅嘢就好入腦,所以一定簽。咁簽完又選到,咁就要交數」。

其後,她在議會中,將不同有關伴侶、配偶、親屬的法例議案,都提出應包括同性伴侶的修訂,又成立小組委員會,研究性傾向歧視問題,「以前講歧視剩係講捐血、電視廣告嗰啲,但歧視問題係可以拆開好多層面,例如同性伴侶無配偶免稅額、公屋申請權、醫院探視權,到近年發現原來連伴侶骨灰龕都唔畀拎。以前好多人唔覺得有歧視,慢慢開始明白原來歧視唔只係人與人之間,而係政府行政上真係有不相同對待」。

何秀蘭指過程中曾受攻擊和嘲笑,但至今大眾對同志平權議題明顯改觀,「2000年時明光社強烈攻擊,好多人恥笑,但到依家七成人覺得要平等;而議會由以前大多數人反對,到依家工聯會都話要反歧視,我覺得係有成績喎,雖然係耐啲」。家庭暴力條例、電子健康紀錄條例、人口普查令等,逐漸加入適用同性伴侶的修訂,何笑言,這就如她的競選主題,爭取同志平權,就如「水滴石穿」般,得到寸進。

(反對「網絡23條」)當時真係好似一隊波咁打出嚟,證明議會其實有用。如果好似某啲組織只係狂鬧泛民,點團結到咁多人?
何秀蘭
何秀蘭自稱其議會工作像「耕田打底」般做好基礎。(資料圖片)

談泛民被批無用:只要團結其實議會有用

除了小眾議題,何秀蘭說自己其實也有關注大眾議題,例如早前「網絡23條」版權條例草案,泛民議員連日拉布下令政府撤回方案,「果次係辛苦但開心,因為聯合到公民社會,又連結到廿多名泛民議員,一齊做政策研究,做好扎實嘅發言,仲要有策略地流會,當時做(飯盒會)召集人真係做到嘔血」。何認為事件證明只要泛民團結,可以於議會發揮很大作用,「當時真係好似一隊波咁打出嚟,證明議會其實有用。如果好似某啲組織只係狂鬧泛民,點團結到咁多人?唔可以單靠衝,然後話其他嚴謹認真嘅發言無用」。

被問到近年社會對泛民議員負面聲音不斷,何秀蘭指「我認為係議會內,與其代公眾去出啖氣,去鬧官員,不如拎更多細節出黎講和問,市民了解更多,自然識得嬲,唔使我代佢哋嬲」。何秀蘭稱自己像「耕田打底」般做好基礎,「要有分工,有人負責解釋件事,有人唔怕行動公民抗命,但當然係有底線果種。今次選舉好關鍵,在於變與亂之間。大家會倒過來情緒化,訴諸肢體衝突,定係相信和平有力量,去做改變」。

正正因為今屆多新人,所以需要有議會經驗既人去講番啲歷史出黎,先可以同班建制派格劍
何秀蘭
今屆工黨繼續派新人胡穗珊出戰,何秀蘭指工黨「穩打穩扎」,不希望亂推新人。(資料圖片)

「交棒」是最大目標:新人Ready即刻Byebye

今屆選舉工黨繼續由何秀蘭伙拍老將李卓人、張超雄,再帶領新人胡穗珊出戰,何秀蘭指工黨是「穩打穩扎」的政黨,不希望亂推新人,「強推個新人出嚟練兵,分散人哋啲票,可能又連累應該選到嘅人選唔到。我哋希望新人可以有歷練有質素,如果一下子變晒做新人係有風險。」被問到有否想過何時退下火線,何直言「新人一Ready, 即刻Byebye!」,又說工黨最大目標就是「交棒」,「李卓人及張超雄獨立選其實完全無問題,我自己都試過,仲自由自在添。但點解要放棄自由,就係想有系統同彈性去畀新人上。如果自己去搵人接棒,有時可遇不可求,但如果成個黨搵,合適嘅人可以各區調動」。

呼籲支持多兩民主派入議會

談到近日民調勢危,何秀蘭表示,心情像坐過山車般,但認為數據未必得完全作準,「如果到最後得1%(支持度),街站反應又係得1%,咁就不如呼籲佢哋歸隊算喇!但依家街站反應其實係好嘅」。但何指於近日拉票活動時也有不同做法,「港島區最差嘅情況係得一個泛民當選,所以依家喺街站度,我都會呼籲大家,支持多兩個民主派入議會,就算俾我選到,得一個人點打?我都會想多兩個人入黎一齊打。但首先要其他民主派支持者碎片肯歸隊先得。」何又稱,必須尊重選民的決定,但認為自己今日可以在議會發揮的作用仍大,「正正因為今屆多新人,所以需要有議會經驗既人去講番啲歷史出黎,先可以同班建制派格劍」。

【每日更新】民調專頁:最新候選人走勢
【互動遊戲】助你挑選最接近你立場的候選人
【新聞直擊】追貼選舉 一網看激烈戰況
【了解候選人】他們為香港做過什麼?立場是什麼?
【深度評論】撥開雲霧 讀懂選戰形勢

選戰邊緣人系列:

張超雄不願當「英雄」 低調競選不告急
鄺俊宇網絡背水一戰 16萬Like能否化選票?
周浩鼎網絡戰場輸對手大截 苦戰超區:我不會再哭
剖白「西環契仔」之路 謝偉俊:比親仔還親
「斯文嘅激進派」 許智峯結合議會社運抗爭
【圖輯】慢必偕長毛角逐連任 齊爭新東席位
李梓敬寧做「西門梓」不做「西環子」