非常檢控觀｜「反骨琪」蔣家旻與李成昌再續戲緣演父女：文戲多
撰文：吳子生
出版：更新：
「反骨琪」蔣家旻今日（5/6）現身油塘為無綫新劇《非常檢控觀》開工拍劇。對於早前在無綫劇集《美麗戰場》被李成昌強姦一幕成為話題，今套新劇集再與李成昌再續戲緣，蔣家旻受訪時表示：「今次我喺劇入面嘅角色係做前任檢控官，而我同昌哥佢喺劇入面係演父女關係，而我同佢之間係有唔少嘅爭鬥，但當中唔會有啲激動場面出現，今次我主要係文戲多同內心戲多啲。」
蔣家旻續說：「劇情係講我起初好信任呢個Daddy，為咗幫佢爭權奪位，我就去咗商界發展，點知到最後我係發覺佢原來係一個衰人，然後去到後面，我就俾佢教識咗點做人，到最後我係害番佢，可以話係大義滅親。」