謝霆鋒做大廚學Gordon Ramsay磨刀　煮地獄廚神成名牛扒穿晒崩

娛樂圈中有不少例子是演而優則唱，或是唱而優則演，都是形容一些藝人在本身的領域取得不錯的成績，繼而再向另一方面發展。而謝霆鋒則是活生生的例子，出道由唱歌而成名，不久便已經踏足影壇，幾年後自己開影像後期製作公司決戰商界，到近來大家都知他已經闖入廚房，化身大廚仲出埋教學。一個人可以涉獵多方面的範疇而且都極具名氣，實在難得。除了本身的天份，霆鋒懷着突破勇氣的心態亦令人讚歎，果真是沒有試過的人生他都想試試。

霆鋒的《十二道鋒味》節目在大陸一播出，便震驚了13億的人民。原來霆鋒一臉帥氣的背後還煮得一味好菜，叫人如何不醉倒在他的鑊鏟裏？近日網上熱炒的一個話題，究竟霆鋒的廚藝是否已經超過名廚Gordon Ramsay呢？當然，那麼快便拿霆鋒跟Gordon比較，絕對只是說說笑，不過霆鋒的確在某方面有一點Gordon的影子。講緊哪一方面？原來係磨刀，不要以為磨刀很容易，求其磨幾下就當完成，其實磨刀都有很多理論。Gordon就試過為磨刀而拍了一段教學，磨刀亦成為了他的標誌。至於霆鋒？無錯，佢都有磨刀，不過就求其片兩下就算囉。不過無問題，做節目最緊要包裝，包裝得好一樣高收視，不過就唔好有穿崩位。話說呢集煮威靈頓牛扒的《十二道鋒味》，先唔講佢用微波爐叮溶朱古力有幾特別，到霆鋒要落刀焗好的成品，切之前講到有幾緊張，點知把刀都未落就俾眼利的網民見到已經有條深深的刀痕在牛肉上，其實真真實實切一刀唔難啫？用不著這麼懶吧。