【SEN】被老師誤會懶、當眾責罵　讀寫障礙港童靠畫畫治療焦慮症

「婆婆，睇吓！呢幅畫係我畫㗎。」
「哇咁叻女，畫得好靚啊！」
小妹妹拉著外婆的手，跑到自己的畫作面前，展示努力的成果。外婆看到孫女的畫，也開心地笑了出來，牽起臉上幾條皺紋。12月2日，由賽馬會慈善信託基金贊助，賽馬會社工創新力量香港明愛「兒」動藝術館一眾義工臨近年尾，在大埔墟餐廳小白鷺免費提供的場地，舉辦聖誕市集和畫展，展出過去一年有讀寫障礙的小朋友的作品，讓他們在學習以外找到成功感。

當天展出的作品大約30份，攤位則約8個，售賣不同手作。其中一位參加畫展的小畫家是11歲的霍可柔，擅長做手工的她更在市集擺了攤檔，售賣自己創作的小飾品。有顧客到攤位支持她，「呢塊蕾絲手作仔好靚喎，點用㗎？」可柔沒有積極地回答客人問題，交由媽媽解釋。霍媽媽說，可柔除了有讀寫障礙，也是一位社交焦慮症患者，焦慮的情緒甚至影響健康。

老師覺得我很懶

今年剛升中一的可柔，在小學二年級的時候因為受讀寫障礙困擾，常被老師責罵，更導致她出現焦慮症狀。「小二個老師覺得可柔係懶，所以讀書成績先差。佢同可柔講，如果要日日返去靠媽咪幫手溫書，就唔好返學啦。仲成日係同學仔面前鬧佢。」說到這裡，媽媽停了一下，更臉色一沉：「就係呢句說話，可柔無再同我講過學校嘅情況，維持好耐都係咁。」不久媽媽帶可柔看心理專家，獲確診讀寫障礙，更懷疑女兒有焦慮症，提議她看精神科。「我第一次帶個女去睇精神科，本來要排年幾先有期覆診，點知過兩日就收到call話要即刻返去，我先知個女情緒咁大問題，太焦慮時仲會出現肚痛、頭痛等其他生理問題。」

學校畫畫總有個框框

可柔很喜歡畫畫，媽媽說從她的創作也能看出她的情緒變化。「如果唔開心，佢會收埋自己，瘋狂做手工，但畫好都唔會比我睇，佢話因為太黑暗。」直到半年前，媽媽在網上看到兒動藝術館宣傳，就帶可柔去參加畫畫班。她發現可柔逐漸變得開朗，有時候更會主動和媽媽分享自己的創作。「我好開心，其實之前個女收埋自己，我乜都做唔到，係好心痛嘅一件事。」

記者叫可柔分享一下自己的創作經歷，她搖搖頭，只說自己不習慣和人分享自己的東西。不過悄悄告訴記者，她喜歡在兒動藝術館畫畫的原因：「因為學校畫畫總係有個框框，越跟得貼就越高分，但我唔鍾意跟人畫，因為好似抄襲咁。我覺得，要講到自己想表達咩先係好作品，呢度自由好多。」

為何學校一定要畫素描？

在兒動藝術館找到信心的還有10歲的陳昊賢。身形胖胖、戴著圓圓大眼鏡的昊賢外表相當可愛，他的畫作也充滿童心。兩幅展品都是以咖啡為主題，用咖啡倒在畫紙上，再把咖啡跡加上手手腳腳，變成張牙舞爪的怪獸。「唔好睇少啊，佢有唔同恐龍嘅特徵！呢度係三角龍，呢邊就係翼龍，仲有魚龍㗎，佢就唔算係正式恐龍既。不過..」昊賢喋喋不休解釋各種恐龍的特徵，記者也聽得頭昏腦脹。「我識好多恐龍嘢，不過學校同學都唔覺得我勁，係呢度（兒動藝術館）就多啲人知咯，哈哈。」昊賢的寫字能力也較差，他說自己中文默書只有25分，總是忘記已背誦的文章，以致背默考核成績差。比起可柔，他的學校生活愉快很多，但昊賢也不約而同地認為，學校的框架太死板：「我一向鍾意畫畫，但學校都係畫素描嗰啲，好無聊，其實點解一定要畫嗰啲？」

兒動藝術館的創辦社工麥詩韻姑娘看到不同小朋友拉著家人，展示自己作品的情況，相當安慰。「好多時學校會有好多限制，令跟唔到嘅SEN小朋友失去信心，喺學校受好多挫折。我希望嚟到呢度，佢哋可以搵到第二種價值，令佢哋有其他方法show off（展示才能），可以話俾屋企人聽，呢個係為佢地搞嘅畫展，自己係個叻嘅小朋友。」