網民力讚《衝三小》好睇過癮 TVB綜藝節目方程式悶到喊！
收視報告出爐，無綫重本投資的《星星探親團》首周平均收視經已跌穿20點（19.9點），
第二周收視再跌，周一晚（5月16日）播出的麥明詩一集低見15.9點，成為今年新低，相當「肉酸」。
TVB好睇綜藝節目少之又少
相比之下，自稱「腐皮」超多的杜如風，她有份參與創作的《關西攻略》，第二周平均收視高見24點，比《Do姐有問題》更高，而《關西》的整體平均收視為22點，暫時成為今年翡翠台10點半時段最高收視節目。
《星星》收視慘淡，一眾主角是藝員不是明星，這陣容已嚴重削弱影響節目叫座力，二來製作團隊依舊沒有摒棄大台創作框架，最後出來的效果好比某君離港到此一遊，純粹交差趕收工，觀眾無法了解他們的真實一面，只會覺得「佢哋返家鄉探親關我鬼事！」自然轉台甚至熄機。
回到原點認真諗諗，睇電視為乜？無非都係想「開心」，但自從2009年《星星同學會》與《美女廚房》結束後，面對中國和韓國電視界兩邊夾擊（資金如是、陣容如是），近年能夠真正鎖住觀眾眼球、好睇又好笑的香港綜藝節目，五隻手指數得晒：《走過浮華大地》、《Do姐去Shopping》、剛於5月初播畢的《關西攻略》以及現時逢周三深夜在ViuTV播映的「實驗電視」欄目《衝三小》；至於獲觀眾激讚的《香港亂噏》和《世界零距離》，因內容偏重新聞時政資訊，不在此列。
《衝三小》 夠熱血 有創意
4月6日，ViuTV開台當天，看到《衝三小》的宣傳片，完全不知道此話何解，更甭說這個節目「咩葫蘆賣咩藥」。Google一下，「衝三小」乃台語，解作「幹什麼」，事緣3位主持人兼創作主腦：「肥仔釘」吳國麟（Dennis）、「提子駿」黎梓駿以及「爆呔占」梁天俊，早年三人行到台灣踩單車環島遊，期間學會這個閩南語辭彙，其後「肥仔釘」與「提子駿」合組製作公司，專門承接市場推廣公司外判的宣傳片和廣告片，閒餘時間則會拍短片，純粹從興趣出發，滿足自己，譬如2015年與編劇、導演麥皞年到台灣高雄為《誰給我的黑啤》取景（當時團隊名為「草草草」），並參加台灣《第10屆金甘蔗影展》，最終勇奪「金甘蔗獎」等5個大獎。直至去年暑假，他們遇上ViuTV創作部員工彭穎琪（Bonnie），催生了《衝三小》這個「新奇」電視節目登陸大氣電波。
撰寫本文前，曾致電ViuTV創作部員工彭穎琪（Bonnie）詳談。她說ViuTV開設半小時「實驗電視」廣播時段後（逢周一至周五晚上11:45），上頭僅要求創作部同事用自己的方式完成，言即自行籌組拍攝或與獨立製作公司合作完成皆可。Bonnie跟「肥仔釘」本身認識，她直言這幾位後生仔想法破格夠熱血：
「佢哋有自己一套想法，唔會跟大隊，當知道要做好一件事嘅時候，就算不眠不休都會做好佢！」
當Bonnie得悉自己獲委派負責其中一個節目後，決定跟「肥仔釘」他共同進退，原定小試牛刀只拍4集，開播後外界反應出乎意料的好（應該係，除非唔係！），於是加碼增拍至一季共13集，倘若反應持續理想，Bonnie坦言ViuTV會積極考慮加推Season 2！
蝦碌有咩所謂 節目夠真先係皇道
求其在網上做過些功課，發現看過《衝三小》的網民意見可以歸納為以下幾句話：
「3條友都99地」、「9下9下但唔知點解睇晒集」、「好無聊」、「到底我睇咗啲乜？」
係囉，點解嘅？點解嘅？點解連ViuTV官網節目介紹這個節目時，講到明「3位買不到樓的年輕人騎着單車遊香港，幹些無聊小事，拍些無聊影片，發揮三位一體『超煩』廢話能力」，依然願意接受「中伏」挑戰，坐在電視機面前唔願走，由頭睇到落尾，事後完全收貨、甘之如飴，更忍不住重溫？關鍵在於，節目製作的有別於大台傳統「悶爆」模式。
撇開廠景錄影的節目不說，綜觀無綫近年製作的綜藝節目，就算如《有乜好過去Camping─德國篇》或《星星探親團》等這些看似「新穎」的嘗試，框框依舊保守，而製作流於公式的弊病亦愈見明顯，不是選錯主持人（不適合或不投入），全沒個人風格，便是構思和包裝節目時過份修飾計算，結果悶出鳥來。用最簡單的方法解釋，所謂「正常」的節目絕對不可以「穿機」，意思是主持人以外的製作團隊，連同咪線、攝影機等統統不得在熒幕「露出」，甚至有主持人不戴手表，以免觀眾看到拍攝的真實時間，至於蝦碌位當然一剪為快，因為「多餘」。
相反《衝三小》反其道而行，將這些「多餘」、「影響節目觀感」的內容保留，變成節目的一部分，譬如第一集他們仨去到大嶼山大浪灣村學習扎染，「爆呔占」介紹布料來源地時講錯對白：
「我留意到佢哋好多材料有分唔同國家，寮國、泰國～～係無嘅（全場大笑），台灣，同埋日本。」
（其實他們經常講錯嘢）他們剪片時沒有將這段刪去，卻在出錯位連續Playback兩次，增加喜感，現場錄影時Bonnie亦不會要求重錄，以免氣氛和情緒不連貫，最終令我笑到「Gap Gap聲」。
又如第二集，到馬鞍山昂平營地露營過夜等看日出，甫開場如此介紹「爆呔占」：
「在無水無食物的情況下，嬌生慣養嘅Jimmy仔，到底能唔能夠穿越呢個荒蕪的沙漠，保住佢條命仔呢？佢個鼻窿好大好大好大好大，不過始終解決唔到無水嘅問題，點算好？啊，唔知樹葉有冇呢？梗係無啦傻仔。」
總之廢話多過浪花，偏偏這些無聊對話最能夠反映出3位主持人的真實性格，他們在鏡頭前愈能夠做自己，節目就愈好睇，睇半粒鐘，根本唔夠喉。
杜如風做自己 成功挽救大台收視
情況跟奉為經典的《軟硬製造》以及杜如風的《關西攻略》一樣，因為主持人同樣有份寫稿，令整個節目跟其風格如出一轍。
以杜如風為例，第四集在和歌山紀之川市玩滑翔傘，玩之前要簽生死狀，杜小姐如此說：
「飛之前，真係要簽張生死狀嘅，如果一陣間跳落去死左呢，哼哼，我媽咪一鋪番晒黎啦，買左咁多保險，意外身亡呀嘛，賠到足㗎！」
跟玩滑翔傘全沒關係，卻足見杜小姐的個性。臨跳之前，她大叫：
「梁朝偉，我好驚呀，你快啲嚟救我呀！」
這些鋪排在其他綜藝節目都會消失，因為很多時，主持人到外景拍攝，大多先由資料撰稿員「餵稿」，臨場埋位前才盡量記熟重點，有多少時間消化？對於要拍攝的事情本身又理解幾多？如果那些有要求的主持人，他們跟資料撰稿員對同一件事的理解（或感受）存在多大距離？
誠如麥明詩男友林作回應娛記時說：
「電視台做開呢類節目，通常背後有人幫手寫稿，但出到嚟就Over咗，畀人覺得佢曬命，如果啲Script係Louisa自己度，我好肯定成個節目個Style唔會係咁！」
來到2016年了，無綫自恃吸引到觀眾的所謂「精彩節目製作方程式」已經發霉發臭，將節目內容與個人風格分拆考慮，以為求其派幾個藝員出去拍個節目就叫新鮮就叫新穎，沒有要求主持人本身的參與，拍出來的綜藝節目只會繼續悶到喊，可惜大台掌管創作部的高層還未明白這一點，慣性收視這個終極武器到底還能支撐多久？！
都係嗰句：睇電視都係想開心啫，點解要虐待自己？
（本文章純屬作者意見，不代表香港01立場。）