高官丈夫主理航權談判　高官太太平換直昇機公司股東相連豪宅

高官延後利益呢家嘢，真係慌死你唔記得佢咁，總係耐唔耐就會提提你。今次呢單，就係事關以貌美享譽官場嘅民政事務局常任秘書長馮程淑儀。佢畀01偵查揭發喺兩年幾前用「賣一得二換樓法」，用自己幢西半山千呎大宅，換成兩個跑馬地相連單位，補番650萬，但面積大唔止一倍。咁筍交易，馮太話而我不知道賣家是誰。

咁650萬都唔少錢喎？但根據馮太最後所交嘅物業印花稅，稅局推算物業之間差價，起碼有780萬喎，而且稅局出晒名估價保守。有獨立測量師行做調查，發現差價應該係950萬，屈指一算，馮太換樓慳咗300萬，真係好運連連，遇著個視錢財如浮雲嘅賣家啊！

到底邊個咁大方？原來係賭王何鴻燊嘅姨仔陳婉玉。 馮太雖然話佢當初唔知賣家係邊個，但一個高官，一個富商，難免惹利益衝突嫌疑嘅...

沒有最爆，只有更爆；原來，喺馮太個老公馮永業出任經濟發展及勞工局副秘書長期間，今次大平賣樓嘅賭王姨仔做股東兼行政總裁嘅「港聯直升機」公司，成功奪得香港至廣州、杭州、重慶、南京、寧波嘅飛機航線經營權，喺2007年亦投得上環港澳直升機場專營權；而喺政府主理航權、直升機場擴建等事務的，正是馮生，唔... 只是啱啱遇着剛剛？

又是ICAC出動的時候了？

 延伸行動 

打電話比識嘅、唔識嘅富豪富商，問下佢願唔願意搵兩間樓，同我住緊嗰間居屋交換。最多我補多一舊水喇！