山雞需預早訂購 中醫:溫熱宜煲湯補身
撰文:黎靜珊
出版:更新:
雞隻染病,同類陪葬。一隻山雞拒絕屈服漁護署人員之手,展翅飛出牢籠,縱然最後橫屍馬路都享過片刻的自由。
港人對山雞較陌生,中醫師表示山雞屬性比一般雞隻溫熱,適合產後婦女煲湯食用。
山雞,本名環頸雉,又稱雉雞。香港防癆會中醫診所馬俊豪醫師表示,山雞屬性較一般雞隻溫熱,特別適合大病過後的人士或長者,配合北芪、黨參煲湯服用補身;產後婦女需要補血更可加入當歸,但已確診子宮肌瘤的婦女,不宜服用當歸。另外,夏天炎熱,除非老人患病身體虛弱,否則服用山雞會「熱得滯」。
有言孕婦需要補身,山雞食療又是否適用?馬醫師指出,即使婦女自身虛寒,孕後身體都有如火爐,不建議食用溫熱的山雞,最好產後才食用補身。至於本身體質「熱」,例如正值青春期長暗瘡的少年,或者經常捱夜人士,都不宜食用山雞,避免火上加油。
九龍城街巿雞販玲姐笑言山雞跑得快「你想捉佢都難」,檔口都試過「山雞一支箭飛走,一走就捉唔到」。她指客人多數買來加入淮山、茨實、杞子等煲湯,100多元有交易,但需要一天前預訂。
![hotline](https://01web-strapi.hk01.com/upload/entrance_banner_a5093e637d.jpg)