麥明詩榮升人妻繼續係孝順女為媽媽送貼心禮物：唔係潑出去的水！

「嫁出去嘅女等於潑出去嘅水！」，今時今日已經未必適用，更多人認為女仔更顧家，就如剛成為盛太的十優港姐麥明詩，以行動證明依然好有媽媽心，送上心思禮物令麥媽媽相當心甜。

麥明詩在IG STORY上載媽媽收禮物短片，原來禮物由麥媽媽親自挑選：「我媽咪非常勤力，佢要求母親節要休閒又可以返工嘅背囊。」另外再送上旅行分隔袋及摺疊刀具方便隨時出行切生果，相當貼心。

LOUISA又貼出婚禮照片留言：「唔係潑出去的水！由BB時期日以繼夜嘅照顧，到小朋友時期嘅學業、品格培育，到青少年的戀愛、感情輔導，到成人時期的事業支持… 到最後放手讓孩子飛走，活出自己的人生。媽媽你真的給了我所有。無論如何，我知道媽媽永遠是我的避風塘，我永遠是你的女兒。@makhosiukuen 我媽媽真係好厲害，咁多年來都係全職上班再照顧兩個小朋友，從來冇停低過。到今日都仲繼續學習、繼續工作，見到媽媽都咁勤力，我點可以唔努力啲呢🫣」