日本婦68支蠟燭慶生　蛋糕如火球　生日切蛋糕有咩禁忌？

「Happy Birthday To Me! 」， 古有岩布仙尼霸氣唱生日歌畀自己慶祝生日，今有網上流傳一名日本婦人慶祝68歲生日時，手持「插足68枝蠟燭」的生日蛋糕，蠟燭燃燒猛烈，幾乎看不到蛋糕的形狀，猶如火球！儘管火勢愈燒愈猛烈，生日婦繼續淡定將蛋糕放到嘴邊，作狀吹蠟燭，網民留言指「吹完蛋糕先食蠟燭？」和「這時候再吹氣只會助長火勢啊」。

壽星仔女要留意：

「吹雙數蠟燭」

生日蛋糕上插的蠟燭數目代表歲數，但唔通真係68歲生日就插68枝？到底吹幾多枝蠟燭先叫好？與其冒生命危險「吹火球」，不如嘗試坊間做法。

綜合各方資料，由於慶祝生日始終屬喜慶事，故中國人通常忌「吹雙數蠟燭」，要「好事成雙」。但坊間亦有言「過左10歲就不用計咁足」，會選擇用「歲數牌」，或象徵式插兩枝蠟燭。

「一口氣吹熄」

點完蠟燭就要吹蠟燭喇！原來要一口氣吹熄所有蠟燭，才能實現許願時的願望，以及象徵身體健康。但如果點足68枝，可能要儲幾啖氣先吹得熄，如果吹唔熄就會有唔好兆頭！

「不要切到底」

吹完蠟燭，許過願後就要切蛋糕，但壽星仔記住不要「切到底」，要分兩次切，因為前者有「一刀兩斷」的意思，而壽星女就更加不用提了！