有片｜港鐵石門站變「水舞間」驚現月台瀑布　網民謔：用咗500年

港鐵石門站驚變「水舞間」！本港連日天氣不穩，天文台於今日（23日）早上8時30分至中午12時50分，一度發出黃色暴雨警告信號。網上流傳一段短片，可見石門站兩邊月台天花水長流，猶如「瀑布」般直灑中間的扶手電梯及樓梯，上蓋形同虛設。搭客恍如置身「水簾洞」內遊走，有人撐傘乘搭扶手梯、有人則避走於未被波及的月台邊。不少網民戲謔：「加價容易維修難」、「勁喎個頂，有好似無咁」、「用咗500年啦，肯定漏水」亦有人慨嘆，「石門站係新起，都咁？」

港鐵回覆查詢時表示，今早黃色暴雨警告生效期間，石門站月台曾有天花漏水的情況。車站職員即時安排清理地面積水，並協助乘客到月台其他位置上落車，亦有透過廣播及告示提醒乘客小心地滑。其間屯馬綫列車服務沒有受影響。維修人員會於今晚收車後，詳細檢查該站的排水設備。